Отсуството од работа поради бременост, раѓање и родителство и посвојување ќе се продолжи

Согласно новата Уредба со законска сила за примена на Законот за работните односи која беше објавена во Службен весник на Република Северна Македонија (04.04.2020г.) во член 4 од уредбата се регулира отсуството од работа на работничка поради бременост, раѓање и родителство и посвојување.

Согласно Уредбата отсуството од работа на работничка поради бременост, раѓање и родителство и посвојување, продолжува да тече и надоместокот на плата продолжува да се исплаќа до истекот на траењето на времените мерки за заштита од ширење и превенција од Коронавирус COVID-19.