По вчерашната неуспешна средба: Македонските лидери ќе се видат пак

Четворицата лидери на најголемите политички партии во земјава по вчерашната неуспешна лидерска средба се договорија да се видат повторно деновиве, соопштија од СДСМ и ВМРО ДПМНЕ. Лидерите на ВМРО-ДПМНЕ, СДСМ, ДУИ и ДПА ги продолжиле дискусиите за точната организација на владата што ќе ги подготви изборите, како што е предвидено во шестата точка од договорот од 2. јуни.

– Претседателот на Владата на Република Македонија, Никола Груевски, го претстави владиниот нацрт – план за примена на препораките што се однесуваат на системски реформи во областа на владеење на правото што е потребно да се спроведат согласно точката шест од договорот од 2. јуни, информираа од СДСМ и ВМРО-ДПМНЕ.

Според договорот од 2. јуни, предвремени парламентарни избори во земјата треба да се одржат до крајот на април следната година.