Правдико

   

Побаран притвор за осомничен кој ја уценувал поранешната девојка дека ќе објави експлицитни фотографии

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Надлежен јавен обвинител од Основното јавно обвинителство Гостивар отвори постапка против едно лице за сторено кривично дело – Уцена од член 259 од Кривичниот законик. Осомничениот 22-годишен гостиварец ја уценувал својата поранешна девојка на иста возраст. Тој во повеќе наврати и барал пари во замена да не објави нејзини експлицитни фотографии.

На овој начин осомничениот успеал од оштетената да одземе околу 400 евра. Последниот пат и побарал 1.000 денари, девојката го пријавила, а банкнотата која му ја предала била претходно обележана. По приемот на парите, осомничениот бил задржан и кај него била пронајдена обележаната банкнота.

Ценејќи дека се исполнети законските основи, надлежниот јавен обвинител до судија на претходна постапка од Основниот суд во Гостивар достави и Предлог за определување мерка притвор на осомниченото лице.

Партнери на Правдико