Почнуваат преговорите за третата помош за Грција

Денеска во Атина ќе пристигнат првите претставници на европските институции и Европскиот механизам за стабилност (ЕСМ) со кои ќе почнат преговорите за деталите за третата финансиска помош за Грција.

Од грчка страна, техничките преговори ќе ги предводи претседателот на Советот на екононски советници (СОЕ) Јоргос Хулиаракис, соопштија извори од грчкото Министерство за финансии.

Истите извори ја отфрлија можноста за дополнителни реформи, и покрај барањата на кредиторите.

Грчката Влада се надева дека преговорите за тригодишниот меморандум за разбирање и новиот договор за заем ќе завршат до 20 август. Исто така, врз основа на договорот постигнат на европскиот самит, целта е во 2018 година да се постигне примарен суфицит од 3,5 отсто од БДП. Во врска со отворањето на Атинската берза, претставници на Министерството за финансии, изјавијз дека одлука ќе биде донесена од следната недела.

Извор: Нова Македонија