Подготвен е нов нацрт-закон за високо образование, „Студентски пленум“ ќе го бојкотира | Правдико

Правдико

   

Подготвен е нов нацрт-закон за високо образование, „Студентски пленум“ ќе го бојкотира

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Подготвена е новата верзија на предлог-концептот на законот за високо образование, соопшти ректорот на скопскиот универзитет, Велимир Стојковски, при тоа не откривајќи детали за промените.

Концептот, кој како што вели ректорот, е прифатлив за професорите, студентите и за Министерството за образование и ги презема позитивните практики од развиените земји.

– Тоа ќе биде закон кој ќе се базира на универзитетската автономија, финансиската автономија, автономија во наставните програми и некои други елементи. Се разбира, финалната верзија ќе си го каже своето, но од тоа како е поставен концептот, сметам дека сите треба да бидат задоволни – рече Стојковски.

Во меѓувреме, „Студентски пленум“ соопшти дека новите предложени законски измени не се прифатливи за сите и потсети дека студентите ги напуштија преговорите со МОН.

„Главната причина за оваа одлука е односот на Министерството, кое уште од самиот почеток и најраната фаза на подготовка на законот не покажа ниту добра волја, ниту кооперативен однос, туку намерно го одолговлекуваше процесот, што отвора уште еден сомнеж за искреноста на МОН да изработи закон за високо образование со сите засегнати страни“, стои во реакцијата и се додава дека „Студентски пленум“ ја бојкотира секоја одлука на работната група УКИМ-МОН.

Извор: Мета.мк

Препорачуваме

Партнери на Правдико