Полицискиот час синоќа го прекршиле 41 лице

Во текот на изминатото деноноќие, според статистиката на МВР, 41 лице го прекршиле полицискиот час, односно забраната за движење, при што приведени се 22 лица, а за останатите се земени податоци и ќе следуваат соодветни мерки.

Исто така, синоќа на вкупно 186 лица им се издадени решенија за изолација, додека, пак, 350 лица потпишале изјави за самоизолација.

Полициските службеници извршиле и контроли кај лица во изолација и самоизолација, при што евидентирано е едно лице кое не ги почитувало мерките.

Извор: Макфакс