Полов напад врз тригодишно дете болно од церебрална парализа

Четириесет и петгодишна мајка од Скопје вчера пријавила дека нејзиниот невенчан сопруг извршил полов напад врз нивното тригодишно дете. Таа рекла дека злоставувањето траело од септември до 7 декември годинава.

Според неа, половиот напад се случил кога напаѓачот остварувал редовни видувања со детето врз основа на решение издадено од страна на Меѓуопштинскиот центар за социјални работи. Таа забележала дека по средбите детето е вознемирено, но со оглед на тоа дека детето боледува од церебрална парализа, не можело да каже што се случува на средбите со таткото. Пријавителката го однела детето на специјалист невропсихијатар на преглед, а според наодот од Клиниката за психијатрија при Клиничкиот центар „Мајка Тереза“, констатирано било дека кај детето постои емотивна вознемиреност.

Се преземаат мерки за целосно расчистување на случајот.

Извор: Нова Македонија