Практична обука на тема: „Електронски јавни набавки – задолжително користење“

Практична обука на тема:

„ЕЛЕКТРОНСКИ ЈАВНИ НАБАВКИ – ЗАДОЛЖИТЕЛНО КОРИСТЕЊЕ“
Успешно учество на постапките за доделување на договори кои се водат по електронски пат (пребарување огласи, преземање тендерска документација, поднесување понуди)
и учество на електронски аукции

 (Обука наменета за економски оператори)
9 јуни 2015 година
10:00- 16:00 часот
Стопанска комора на Македонија, сала 1 на V кат

На обуката која е наменета за сите економски оператори – приватни компании кои учествуваат или имаат интерес да учествуваат на постапките за јавни набавки, учесниците на интерактивен начин подетално ќе се запознаат со алатките што ги нуди ЕСЈН и самите практично ќе имаат можност да поднесат понуда преку системот и да учествуваат на електронска аукција. Имајќи го предвид воведувањето на задолжителноста на е-набавките (во последната измена на Законот се предвидува задолжително користење на е-набавките почнувајќи од 2016 година – во 30% од постапките, 2017 година – 50% и 2018 година – 100%), ваквата обука е од исклучителна важност за лицата инволвирани во јавните набавки.

На обуката учесниците ќе имаат единствена можност да дискутираат и да ги искористат искуствата на експерти за јавни набавки кои учествувале во создавањето и развојот на Електронскиот систем за јавни набавки, и кои што веќе неколку години спроведуваат постапки целосно по електронски пат.

ПРОГРАМА

– Детално опишување на е-набавките и алатките што ги нуди ЕСЈН;
– Креирање на кориснички профили и претставување и уредување на функционалноста на профилот на економскиот оператор;
– Пребарување на објавени тендери и договори;
– Поднесување на понудите преку системот;
– Учество на е-аукции;
– Претставување на случаи на „добра пракса” при спроведувањето на е-набавките и е-аукциите;
– Интерактивни вежби! Секој од учесниците индивидуално ќе поднесе понуда и ќе учествува на електронска аукција.
Обуката е наменета за сите економските оператори, приватни компании кои учествуваат на постапките за јавни набавки или имаат интерес за потенцијално учество на истите.

Повеќе информации на следниот ЛИНК