Предложен е Закон за градежните производи

Целта за носење Предлог – законот за градежните производи  да се изврши транспонирање на новата регулатива 305/2011  и  со новите текстови на Анекс III и Анекс V од  регулативата на Европската Унија во областа на градежните производи во  законодавството на Република Македонија.

Постоењето на нееднаков третман на пазарот на градежни производи во земјите на ЕУ, како и потребата од воведвање на еднаков третман на изјавата за својствата и принципот на системот за оцена и потврда на постојаност на својствата на градежните производи беа основните причини за донесувањето на новата регулатива.

Правилата во оваа Регулатива дирекно влијаат врз условите за градежните производи. Овие услови постепено се одразуваат на националните стандарди за производи, националните технички одобренија и технички спецификации кои се поврзани со градежните производи. Овие правила не се однесуваат само на безбедност на градбите  и на градежните работи, туку и на здравјето, издржливоста, зашдеда на енергија и заштита на животната средина.

Предложеното законско решение ќе придонесе во поедноставување на административните постапки,  скратување на времето потребно за добивање на именување на телата и се во функција на зголемена ефикасност за контрола и сузбивање на сите техничи и трговски бариери  во оваа област.

Со Предлог – законот  ќе се се уредат системите за оцена и потврда на постојаноста на својствата на градежните производи, дејствијата кои во рамките на оцената и потврдата на постојаноста на својствата на градежните производи ги спроведуваат производителите на градежните производи,  како и  документите за оцена и потврда на постојаноста на својствата на градежните производи,  На овој начин се воведува еднаков третман  на условите за пласирање на пазарот или ставање на располагање на пазарот на градежни производи со воспоставување усогласени правила за функционалноста на градежните производи во врска со нивните основни карактеристики и за употребата на „СЕ“ ознака на овие производи.

Со Предлог – законот ќе се уредат барања за именувани тела, постапка за именување, обврски на именуваните тела, обврски и барања за именување на тела за техничка оцена, услови за работа и постапување на именуваното тело за спроведување на овој закон и други прашања важни за пуштање на пазар на градежни производи и неусогласеното подрачје.

Со Предлог – законот се уредува и надзорот над спроведувањето на законот, надзор на пазарот, контрола и инспекцискиот надзор, во областа на градежните производи.

Целиот текст на Предлог законот можете да го превземете ТУКА