Предложен Законот за заштита и благосостојба на животните

Предлог Законот за заштита и благосостојба на животните има за цел да обезбеди заштита и благосостојба на животните и да ја доуреди областа на благосостојбата на животни кои до сега не беа предмет на уредување на постојниот закон. Со новиот Закон за заштита и благосостојба на животните ќе се постигне регулирање на благосостојбата на бројлери, односно живина за тов, регулирање на благосостојбата на експериментални животни, благосостојба на животните за време на колење, како и одредени одредби кои се однесуваат на домашните миленици.

Со овој закон се пропишуваат минималните барања за заштита и благосостојба на животни во однос на нивното одгледување, чување, грижа и сместување, заштита на животните при фармско држење, заштита и благосостојба на животните за време на превоз, колењето или убивањето на животни кои се одгледуваат за производство на храна, волна, кожа, крзно и други производи како и заради депопулација и слични операции, условите кои треба да ги исполнат кланиците во однос на заштита и благосостојба на животните при колење и убивање, заштита на домашни миленици, животни во зоолошки градини и животните кои се користат во експериментални или едукативни цели.

Целта на овој закон е да обезбеди:

1) животните да бидат третирани на начин кој е најсоодветен за нивните потреби;

2) лицата кои се одговорни за животните и ја штитат нивната благосостојба да обезбедат:

-животните да не се изложени на глад и жед;

-животните да се заштитени од неудобност и да се сместени во средина која е соодветна за нивниот вид;

-животните да се заштитени од болка, повреда или болест;

-на животните да им е овозможено нормално однесување; и

-животните да не се изложени на страв и вознемиреност.

3) замена и намалување на користењето на животните во постапки и подобрување на условите за сместување нега и користење на животните во постапки и

4) ефикасен надзор и контрола на спроведување на одредбите на овој закон

Предлог законот може да го превземете ТУКА