Предметот „Чекан“ е завршен со правосилна судска пресуда | Правдико

Правдико

   

Предметот „Чекан“ е завршен со правосилна судска пресуда

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Седуммина лица во предметот „Чекан“ добија затворска казна и од нив е конфискуван имот од кој оштетените имаат право на надомест на штета, информира Основно јавно обвинителство.

– Со правосилна пресуда од Апелациониот суд – Скопје и ефективни затворски казни завршен е предметот во јавноста познат како „Чекан“. Во предметот што го водеше Основното јавно обвинителство за гонење на организиран криминал и корупција им се изречени затворски казни на седум лица за сторени кривични дела лихварство и изнуда – соопштија од ОЈО.

Конкретно оттаму информираат дека во предметот „Чекан“  била опфатена криминална група која дејствувала во континуитет почнувајќи од 2008 година, претежно на територијата на општина Гостивар.

– Главниот мотив бил стекнување на противправна имотна корист со извршување на повеќе кривични дела. Обвинетите неовластено подолго време се занимавале со давање пари на заем на други лица со договор. Притоа, искористувајќи ја тешката состојба на лицата тие договарале за себе несразмерна имотна корист. За враќање на заемот вршеле притисок, користејќи сериозни закани и физички напади врз оштетените – додаваат од ОЈО.

Извор: Нова Македонија

Препорачуваме

Партнери на Правдико