Прегазен пешак во Прилеп, возачот избегал

Пешак загина во сообраќајна несреќа што се случила вчера во Прилеп. Според информациите од полицијата, возачот веднаш избегал од местото на несреќата и сè уште се трага по него.

Вчера во 20.30 часот на улица Трајко Николоски во Прилеп се случила сообраќајна незгода во која непознато лице, управувајќи патничко возило непозната марка и со непознати регистарски ознаки, удрило во пешакот М.Ј. (39) од Прилеп и избегало.

Од страна на лекар од итната медицинска помош во Прилеп била констатирана смрт кај пешакот.

По наредба на јавен обвинител, телото на починатиот било предадено на обдукција, а полицијата презема мерки за пронаоѓање на возилото и возачот.

Извор: Макфакс