Претседателот Иванов ги потпиша указите за законите од образованието | Правдико

Правдико

   

Претседателот Иванов ги потпиша указите за законите од образованието

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Претседателот на Република Македонија Ѓорге Иванов врз основа на сите извршени анализи и консултации во изминатиот период, како и од констатациите произлезени од бројните средби со најдобрите студенти од сите универзитети во Република Македонија што редовно се одржуваа изминатите шест години, вчера ги потпиша указите за прогласување на законите од областа на образованието, што Собранието на Република Македонија ги донесе на седницата одржана на 14 јануари 2015 година.

5666DC6F-6684-4A60-AE3D-34E069E975E9_w308_h173

Како што соопшти Кабинетот на Иванов, заедничка констатација од сите овие средби била дека Македонија има неспорна потреба од успешна трансформација на високото образование, дека на нашата земја ѝ се потребни студенти и професори препознатливи и конкурентни на глобалниот пазар на знаење.

“Претседателот Иванов доби цврсто уверување од предлагачот на законите дека во наредниот период ќе биде организирана сеопфатна стручна расправа за најсуштествените прашања од сферата на високото образование со релевантните субјекти од оваа област, претставници на студентите и меѓународни експерти за високо образование. Од сите овие активности и инклузивен дијалог ќе произлезе целосно нов закон за високо образование” стои во соопштението од Кабинетот.

Македонскиот претседател исто така добил ветување од предлагачот на законите дека обврските на академската заедница, предвидени со овие законски измени, ќе кореспондираат со зголемено вложување на државата во научноистражувачката дејност, со што ќе се овозможат неопходните предуслови за исполнување на тие обврски.

” Претседателот Иванов смета дека само на овој начин Република Македонија ќе може да се приближи кон современите меѓународни научни достигнувања”, стои во соопштението од Кабинетот на претседателот Ѓорге Иванов.

Извор: Радио Слободна Европа

Партнери на Правдико