Притворена косовска пратеничка која фрлаше солзавец

Косовската полиција соопшти денеска дека ја привела на сослушување пратеничката на опозициското движење Самоопределување, Аида Дергути, која е осомничена дека ја попречувала работата на Парламентот со употреба на солзавец.

Дергути е изведена пред Суд во Приштина.

Во периодот од една година косовските опозициски пратеници користеа солзавец, свиреа со свирчиња и фрлаа шишиња со вода за да го спречат усвојувањето на спогодбата за демаркација со Црна Гора и договорот со која им се даваат поголеми права на Србите.

Извор: 24Вести