Приведени 17 лица за непочитување на полицискиот час

Во изминатото деноноќие на ниво на целата држава регистрирани се 20 лица кои не ја почитувале забраната за движење, при што се приведени 17 лица, а за останатите се земени податоци и ќе следуваат соодветни мерки, соопшти МВР.

„Мерката за носење лична заштита на лице не ја почитувале 284 лица. Во последните 24 часа, на 76 лица им се издадени решенија за изолација, а 75 лица потпишале изјави за самоизолација. При контроли кај лица во изолација и самоизолација, евидентирани се пет лица кои не ја почитувале мерката“, инфомираше Министерството.

Извор: Радио слободна Европа