Продолжен рокот на патните исправи и возачките дозволи до 31 јули

Министерството за внатрешни работи ги информира граѓаните дека е продолжен рокот на важност на патните исправи и возачките дозволи, чиј рок на важност е истечен во периодот на вонредната состојба, и тие важат до 31 јули 2020 година.

На 51. седница на Владата, по предлог на Министерството за внатрешни работи, донесени се уредби со законска сила за патните исправи и за возачките дозволи на државјаните на Република Северна Македонија за време на вонредна состојба, со кои се продолжува рокот на овие лични исправи до 31 јули 2020 година.

Тоа значи дека овие граѓани нема потреба да вадат нови патни исправи и возачки дозволи до овој датум, но доколку сепак сакаат да извадат нови документи, на располагање им се службите на МВР секој работен ден.

Извор: Макфакс