Продолжува комисиската расправа за ребалансот на Буџетот

Собраниската Комисија за финансирање и буџет денеска треба да ја продолжи расправата по предлогот за изменување и дополнување на Буџетот на Република Македонија за 2016 година.

Со ребалансот, по кој собраниската комисиска расправа почна на 30 август, се предлага обезбедување дополнителни 36,4 милиони евра за целосно обесштетување на поплавените.

Приходите во Буџетот се непроменети и остануваат на ниво на проекцијата од 174.291 милион денари.

Расходите се зголемуваат од 195.472 милиони денари на 197.410 милиони денари, а се зголемува и буџетскиот дефицит од 3,6 на 4 проценти и ќе изнесува 23.119 милион денари, наместо 21.181 милион денари.

Ова е втор ребаланс на Буџетот годинава.

Извор: 24Вести