Продолжува процесот против Савески од Левица

Во Основниот суд – Скопје 1 денеска во 13 часот ќе продолжи судскиот процес против Здравко Савески, член на Президиумот на Левица заради учество на протестите од минатата година.

– Судскиот процес против Здравко Савески трае веќе повеќе од една година, но и покрај тоа е на самиот почеток. Против него сѐ уште се применуваат и мерки за безбедност, односно тој мора да се јавува во суд и во полиција секој втор понеделник – соопштуваат од партијата.

За учество во протестите се води судски процес уште против еден член на Президиумот на Левица, Мариглен Демири.

Извор: Нова Македонија