Продолжува судењето за „Меѓународен сојуз“ на Боки 13

Во Основниот кривичен суд во Скопје за денеска е закажано ново рочиште за случајот „Меѓународен сојуз“ во кој се обвинети Бојан Јовановски-Боки 13, Јасна Мандиќ, Фросина Ременски, Миле Јовановски и Христина Блажеска за кривичните дела „измама“ и „перење пари“. На денешното рочиште одбраната треба да продолжи со давање воведни зборови.

• Судењето за „Меѓународен сојуз“ прекинато, му се слоши на таткото на Боки 13

На минатото рочиште во воведните зборови обвинителката Вилма Рускоска рече дека ќе докаже оти обвинетите свесно ги сториле делата и дека од почетокот оваа организација е темелена на лаги, за да им се извлечат пари на бизнисмените Силјан Мицески и Ардијан Амзоски.

Обвинетите се изјаснија дека не чувствуваат вина за делата кои им се ставаат на товар.

Извор: Радио слободна Европа