Промена на началници на Петта управа, крим-полиција и внатрешна контрола

Министерството за внатрешни работи започна со кадровски промени на раководните позиции. Од таму информираат дека вчера биле донесени неколку одлуки за разрешување на претходните и за именување на нови раководители.

На местото на досегашниот началник на Петтата управа во Управата за безбедност и контраразузнавање, Горан Грујовски, доаѓа Сашо Трајковски.

Разрешена е и помошник-министерката за внатрешна контрола Анета Станчевска, а на тоа место доаѓа Дејан Андонов, кој порано работел во овој сектор. Од началник на крим-полицијата е сменет Марјан Наковски, а на таа позиција е назначен Марјан Коцев, советник во кабинетот на министерот Спасовски.

Извор: Нова Македонија