Промоција на публикации за заштита и спречување од дискриминација

Академија за судии и јавни обвинители „Павел Шатев“ во соработка и со финансиска поддршка на Мисијата на ОБСЕ во Скопје, на 28 октомври 2015 година (среда), во просториите на Академијата со почеток во 11:00 часот, организираат Промоција на публикациите: „Пресуди во врска со дискриминација од судската пракса на Европскиот суд за човекови права и Судот на правдата на Европската Унија“ и „Практикум на Законот за заштита и спречување од дискриминација“.

На промоцијата ќе присуствуваат претседатели на судови, судии, јавни обвинители, адвокати, претставници од домашни и меѓународни институции, организации и проекти од областа на правосудството со кои Академијата има повеќегодишна успешна соработка, претставници на Комисијата за заштита од дискриминација и Мисијата на ОБСЕ во Скопје.

Со воведно обраќање до присутните настанот ќе го отворат: м-р Анета Арнаудовска, директор на Академијата за судии и јавни обвинители „Павел Шатев“; амбасадор Nina Suomalainen, шеф на Мисијата на ОБСЕ во Скопје и г. Душко Миновски, претседател на Комисијата за заштита од дискриминација.

Публикациите ќе ги презентира г. Атанас Георгиевски, адвокат.

Програмата согласно која ќе се одвива настанот можете да ја преземете ТУКА