Пронајдени 60 килограми марихуана на патот Струга-Охрид

На стариот пат Охрид – Струга, во близина на мостот на реката Сатеска, биле пронајдени  59 пакувања со вкупна тежина од 60 килограми опојна дрога марихуана.

Опојната дрога била ставена во пет торби, а била пронајдена од полициски службеници од СВР Охрид и Криминалистичката полиција – Сектор за недозволена трговија со оружје и опасни материи при Министерството за внатрешни работи.

Полициските службеници пронашле и едно пакување со кафеава прашеста материја, која заедно со другите биле одземени и предадени на вештачење во Министерството за внатрешни работи во Скопје.

СВР Охрид и Секторот за недозволена трговија презема мерки за целосно документирање и расчистување на случајот.

Извор: Макфакс