Проруската „Согласност“ победи на изборите во Летонија, но нема да ја има власта

Партијата на руското малцинство победи на парламентарните избори во Летонија и покрај доминантното антируско расположение во земјата заради украинската криза, но не успеа да им ја одземе власта на партиите од владеачката десноцентристичка коалиција.

Целосните официјални резултати покажуваат дека Социјалдемократската партија на руското население во земјата „Согласност“, освоила 23,13 проценти од гласовите и дека ќе има 24 пратеника во 100-члениот Сејм. На изборите во 2011 година оваа партија освои 31 место.

Најголемата партија во влеачката коалиција, десноцентристичката „Единство“ на премиерот Лајмота Страјума е втора со 21,76 проценти или 23 мандати во еднодомниот Парламент. Нејзините партнери, Унијата „Зелени и фармери“ и Национално обединување „Се` за Летонија – Татковина и слобода“ (ДННЛ), освоија 21 односно 17 места во Сејмот.

Тоа значи дека владеачката коалиција ќе има стабилно мнозинство од 61 мандат во Парламентот.

Извор: Утрински Весник