Протест на границата: Автобуси полни со бегалци и деца стојат на преминот меѓу Грција и Македонија

Најмалку 80 автобуси со бегалци меѓу кои и многу жени и деца, стојат во Грција, во близина на границата со Македонија, поради протестите на двете страни од границата.

Таксисти од македонска страна ја блокираа пругата кој ги поврзува двете земји, во знак на протест поради фактот што полицијата им даде приоритет на возовите и автобусите за превоз на бегалците на север во Србија на патот кон Западна Европа, јавија официјални лица.

На грчката страна протестираат земјоделците, кои паркирале десетина трактори, на патот кој води кон граничниот премин Идомени, како дел од протестите против планираните пензиски реформи.

Најмалку 80 автобуси со бегалци како резултат на тоа не може да ја поминат границата, и се заглавени во Грција, додека кампот за бегалци на границата, во која има околу 700 луѓе, е веќе полн.

Повеќе од 62.000 бегалци, повеќето од нив од Сирија, пристигнаа во јануари во Грција со бродови и чамци од Турција, покажуваат податоците на Меѓународната организација за миграција.