Протоколот за НАТО денеска и утре ќе го ратификуваат Романија и Литванија

Претседателот на Собранието, Талат Џафери, од вчера престојува на работна посета во Романија, каде што за денеска е закажан  чинот на ратификација на протоколот за пристапување на Република Северна Македонија во НАТО во Сенатот на Романија.

Утре, Џафери ќе престојува во Литванија, каде што исто се очекува ратификување на протоколот за НАТО.

Претседателот на Собранието ќе има кратко обраќање пред пратениците во Сенатот на Романија и пред пратениците во Сејмот на Литванија. Од Сејмот ќе биде овозможен директен пренос на Собранискиот канал. Во рамките на овие работни посети Џафери ќе има и билатерални средби со домаќините и со други државни претставници од Романија и Литванија.

Извор: Макфакс