Процесот „Диво насеље“ продолжува со сослушување заштитени сведоци

Процесот „Диво насеље“, за случувањата во Куманово од 9 и 10 мај минатата година, продолжува и денеска во Кривичниот суд.

Пред Судот сведочат заштитени сведоци, полициски службеници кои учествувале во вооружените дејствија во кумановската Диво насеље.

За сведочењата на заштитените сведоци, Судот го затвори судењето за јавноста. Судењето повторно ќе биде отворено за јавноста по завршување на сослушувањето на заштитените сведоци.

Претходно во Судот беа читани исказите на сведоците кои веќе беа дадени на главната расправа за предметот „Дива Населба“, пред да биде споен со предметот „Молња“ за обвинетите за логистичка поддршка на кумановската група.

Минатата недела од Косово беше екстрадиран уште еден обвинет од таканаречената „кумановска група“, Сулејман Османи. Тој треба да седне на обвинителна клупа заедно со останатите 37 обвинети од двата предмети што сега се водат како единствен предмет.

Извор: 24Вести