Правдико

   

Процесот на болничарот од Аушвиц мора да се повтори од почеток

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Хуберт Зафке, поранешен болничар во злогласниот нацистички концентрационен логор АушвицГерманското правосудство одлучи во четвртокот да го прекине процесот против 96-годишниот Хуберт Зафке, поранешен болничар во злогласниот нацистички концентрационен логор Аушвиц и тој ќе мора да се води од самиот почеток.

„Сослушувањето предвидено за 10-ти октомври нема да се одржи. Процесот мора да се повтори и да тргне од почетокот, невозможно е да се каже кога“, изјави портпаролот на судов во Ноебранденбург.

Процесот запна по неколкуте барања на добраната за изземање на судиите.

Поранешниот припадник на СС единиците е обвинет дека соработувал во погубувањето на најмалку 3.681 Евреин кои се убиени со гас во Аушвиц во периодот меѓу 15-и август и 14-ти септември 1944 година.

Од почетокот на процесот на 29-ти февруари годинава, воопшто не се разгледуваше содржината на обвинението, а сослушувањата се сведуваа на процедурално натпреварување на експертите за здравјето на обвинението, како и на барањата за изземање на судиите.

Хуберт Зафке е четвртиот обвинет во последниот бран од доцните процеси против нацистичките злосторници, по Џон Демјанјук од 2011 година, Оскар Гронинг од 2015 година и Рејнхолд Ханинг од мај 2016 година, и сите тие се осудени.

Извор: Макфакс

Партнери на Правдико