Работилница на тема: „Слобoдa на изразување и право на приватен живот “

Согласно Kаталогот за задолжителна континуирана обука  за судии, јавни обвинители, претседатели на судови и јавни обвинители на јавните обвинителства, Академијата за судии и јавни обвинители Павел Шатев, организира дводневна работилница на тема: „Слобода на изразување и право на приватен живот (член 10 и 8 од ЕКЧП)/Примена на Законот за граѓанска одговорност за навреда и клевета“ што ќе се одржи на 26 и 27 јануари 2015 година, (понеделник и вторник) во просториите на Академијата, со почеток во 10:00 часот. 

На работилницата ќе учествуваат судии кои постапуваат по предмети за навреда и клевета од Апелационото подрачје Скопје.

Излагања поврзани со темата на работилницата ќе имаат: г-а  Лидија Тасева, судија на Врховен суд на Република Македонија; г-а Лидија Димчевска, судија на Апелационен суд Скопје; м-р Костадин Богданов, директор на Бирото за застапување на Република Македонија пред Европскиот суд за човекови права – владин агент и м-р  Даница Џонова, Биро за застапување на Република Македонија пред Европскиот суд за човекови права.

Темите кои ќе бидат опфатени во рамките на работилницата се следните:

– Примена на Законот за граѓанска одговорност за навреда и клевета (досегашна судска пракса, лоцирани проблеми во примената);
– Примена на член 10 и член 8 од ЕКЧП во одлуки на судот со посебен осврт на образложенијата на одлуките  (Анализа на случаи од судската пракса низ дискусија со учесниците);
–  Праксата на Европскиот суд за човекови права во врска со примената на член 10 и член 8 од Европската конвенција за човекови права.   

Програмата согласно која ќе се одвива Работилницата можете да ја преземете ТУКА