Работните групи денеска за специјалниот јавен обвинител

Партиските групи кои работат на спроведувањето на договорот од Пржино за надминување на политичката криза во Македонија, како што е најавено, денеска повторно на дневен ред ќе го имаат прашањето за специјалниот јавен обвинител, кој ќе има надлежност да ги истражи случаите „Прислушување“ и „Пуч“.

Тој треба да биде избран најдоцна до 15 септември, две недели по враќањето на опозицијата во Собранието. Питер Ван Хојте кој е олеснувач во разговорите меѓу партиските работни групи, по вчерашната петчасовна средба изјави дека бил постигнат сериозен напредок за изборниот законик. „Техничките детали треба да ги разработат техничарите, но за политичкиот договор сме многу блиску до солиден договор за сите проблеми“, појасни Ван Хојте.

Извор: Радио слободна Европа