Расчистена кражба на возило, приведен крадецот

Четириесет и шестгодишен скопјанец е приведен за кражба на автомобил.

Според информациите, Б. Д. на 11 октомври годинава, од булеварот Борис Трајковски одзел патничко возило „хјундаи“, со скопски регистарски ознаки, сопственост на Т. Н. од Скопје, со кое подоцна во с. Ново Село, Скопско, удрил во возило „ситроен берлинго“, сопственост на К. М. од Скопје и го напуштил местото.

Тој бил приведен во полициска станица и по целосно документирање на случајот, против него ќе биде поднесена пријава по член 242 од Кривичниот законик.

Извор: Макфакс