Распитот за „Тортура“ одложен за 14 Јули

Распитот на шестмината осомничени во случајот „Тортура“ што го покрена Специјалното јавно обвинтелство што требаше да се одржи денеска, е одложен за 14-ти овој месец.

Основниот суд Скопје 1 соопшти дека распитот е одложен по барање на осомничените кои побарале дополнително време за увид во предметот кој не им бил овозможен во обвинителството.

– Распитот по однос на предлогот на СЈО за определување мерки за претпазливост – Забрана за преземање на определни работни активности поврзана со кривичното дело, за шестмината осомничени, со решение на судија на претходна постапка, а по согласност на странките во постапката кои беа присутни на денешното сослушување, се презакажува за 14.07.2016 година, се наведува во соопштението од Основниот суд Скопје 1.

Извор: Утрински Весник