Разбојник удрил продавачка со тупаница по лице

Дрзок разбојник вчера, во обид да ограби продавница во Прилеп, ја удрил продавачката со тупаница по лице, но сепак заминал без парите.

Како што извести СВР Битола, вчера, во 20.30 часот, маскиран маж влегол во продавница и од вработената ги побарал парите. Таа ја отворила задната врата од продавницата и почнала да вика по сопственичката. Тогаш маскираниот разбојник се доближил до неа и потоа со тупаница ја удрил по лице. Потоа заминал.

Полицијата трага по сторителитот и работи на расчистување на случајот.

Извор: Мета