Правдико

   

Републиканците го изгласаа новиот закон за здравство во Конгресот на САД

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Во Претставничкиот дом на американскиот Конгрес вчера вечер е изгласан Законот за здравство, што беше предложен од републиканците.

Гласањето мина со многу тесен резултат, бидејќи републиканците извојуваа победа со 217 гласови наспроти 213 гласови против, наведуваат американските медиуми.

Конзервативците, инаку, седум години се залагаа за поништување и измена на актот за здравствена нега на Обама, сметајќи дека тој ја зголемил цената на здравствените услуги и ја намалил можноста за лекување на милиони Американци, наведуваат француските медиуми.

Републиканците, а меѓу нив и Трамп, неуморно водеа кампања против реформите што Обама ги спроведе во 2010 година.

Демократите го бранат „Обамакер“, како што клоквијално го знаат законот на Обама, зборувајќи дека на 20 милиони Американци им помогнал да добијат здравствено покритие и да спаси илјадници животи со тоа што на осигурителните куќи им забрани да одбијат да лекуваат луѓе врз основа на постојната здравствена состојба кај пациентите.

Претходната верзија на републиканскиот план за поништување на Обамакер пропадна во март, заради недостаток на поддршка и од умерените и од конзервативните членови на партијата, што беше еден од најболните порази на Трамп откако стапи на местото претседател на САД, наведуваат француските медиуми.

Извор: Нова Македонија

Партнери на Правдико