Ревизорите на ЕУ со лоша оценка за ефектите од ИПА помошта во Македонија

Европскиот ревизорски суд оцени дека помошта што ЕУ и ја дава на Македонија со години за да го зајакне својот административен капацитет не дала резултат поради недостиг на политичка волја од властите во земјата.

Во најновиот звештај за импактот на ИПА фондовите во Македонија, Европскиот ревизорски суд оценува дека македонските власти не успеале да ги искористат фопндовите на ЕУ за напредок во клучните области , како што се борбата против корупцијата и јавните набавки.

„Помеѓу 2007 и 2013 година, ЕУ одвои 615 милиони евра во рамките на инструментот за претпристапна помош (ИПА) за да и помогне на Македонија да се подготви за пристапување во ЕУ. Земјата доби дополнителна финансиска поддршка во рамките на регионалните програми. Поддршката на ЕУ за реформите во земјата продолжува во рамките на ИПА II, со распределба од 664 милиони евра од 2014 до 2020 година“, е сумирана помошта што досега Брисел и ја даде на Македонија само преку ИПА инструментот.

На технички јазик Европскиот ревизорски суд практично консатира дека Македонија не научила ништо од инвестициите во инфраструктурата, дека проектите не се координирани и усогласени и дека главен проблем на ЕК сега е да утврди како да го намали минимумот од четири години што се потребни да се обезбедат резултати од помошта, очигледно за да се надомести пропуштеното досега.

Извор: Макфакс