САД со поддршка за почеток на преговорите на Македонија со ЕУ, без одложување

САД изразија поддршка за итен почеток на преговорите за Македонија и Албанија во ЕУ, објави портпаролот на американскиот Стејт департмент, Нед Прајс.

„Поддржуваме отворање преговори за членство во ЕУ со Македонија и Албанија без одложување. Се ангажираме на највисоки нивоа во Владата, за да ја демонстрираме нашата посветеност кон европскиот пат на земјите кандидати“, напиша Прајс на Твитер.

We support the opening of EU accession negotiations with North Macedonia and Albania without delay. We are engaging at the highest levels of government to demonstrate our commitment to the aspirants’ European paths.

— Ned Price (@StateDeptSpox) June 10, 2021

Американскиот претседател, Џо Бајден, следната недела ќе се состане со првите луѓе на ЕУ во Брисел, а според најавите на дел од регионалните медиуми, на средбата ќе стане збор и за проширувањето на Унијата и почетокот на пристапните преговори за Македонија и Албанија.

Извор: Макфакс