Се подготвуваат измени во Законот за градежните производи

Во Националната програма за усогласување со законодавството на ЕУ, во делот на Поглавјето 3.01 – Слободно движење на стоки, предвидено е усогласување со Регулативата (ЕУ) бр.305/2011 за утврдување на усогласените услови за ставање на пазар на градежните производи.

Со имплементација на Регулативата за градежните производи ќе се обезбеди правилатата кои ги барааат градежните работи да се изработени што нема да ја загрозат безбедноста на луѓето ниту да се штетни на животната средина. Во 2016 година имаше измена во самата Регулатива (ЕУ) бр.305/2011 и во придружните анекси. Со оглед на наведеното, утврдена е потреба за усогласување со новите измени на регулативата. Имајќи ја предвид потребата Министерството за економија подготови текст на законот под работен наслов Предлог на закон за изменување и дополнување на Законот за градежните производи.

Со Предлог на закон за изменување и дополнување на Законот за градежните производи ќе се овозможи транспонирање на измените на Регулативата (ЕУ) бр.305/2011 за утврдување на усогласените услови за ставање на пазар на градежните производи. Правилата во оваа Регулатива директно влијаат врз условите за градежните производи. Овие услови постепено се одразуваат на националните стандарди за производи, националните технички одобренија и технички спецификации кои се поврзани со градежните производи.

Временската рамка за изготвување на предлог законот: 22/12/2017 – 25/01/2018