Се подготвуваат измени во Законот за земјоделско земјиште

Целта на предлог законот е изменување и дополнување на Законот за земјоделското земјиште заради доуредување на постојните законски одредби и предвидување на нови законски решенија кои се однесуваат на пропишување на критериуми за определување на големината на површината која може да се додели на една јавна научна и образовни институции односно едно училишта за средно образование основани од општината и градот Скопје од областа на земјоделството.

Истовремено се предлага видот на планирано производство да не биде критериум за избор на најповолен понудувач, се предлага постапката за продолжување на концесијата (закупот) да започне шест месеци пред истекот на тековната концесија (закуп) и продолжување на рокот за поднесување на барања од носителите на правото на сопственост на објектите изградени на земјоделско земјиште во државна сопственост определено како земјиште во функција за потребата на користење на оранжериите, помошните објекти и објектите за примарна обработка на земјоделски производи.

Целта на предлог законот е доуредување на законските решенија со предвидување на законски одредби за продажба на земјоделското земјиште дефинирано како технолошка целина на оранжериите кои со досегашниот закон не беа уредени.