Се подготвуваат нови измени во Законот за градење

Постоечкиот начин на осигурување за одговорност за штета во осигурителна компанија во Република Македонија од страна на учесниците во изградбата на градба е несоодветен. Исто така во постапката за издавање на одобрение за градење е предвидено пред издавањето на одобрението за градење инвеститорот и општината на чие подрачје треба да се гради градбата да склучат договор за уредување на градежно земјиште, со која процедра се одолговлекува постапката за издавање на одобрение за градење.

Во законот не се утврдени стручни квалификации за службените лица кои вршат заверка на проектната документација.

Предложените измени се во насока на зголемување на одговорноста при изградбата на градби и  поедноставување на постапката за издавање на одобрение за градење како мерки за подобрување на деловното окружување  согласно препораките на Извештајот  Doing Business.