Се предлагаат измени во Законот за азил и привремена заштита

Со предложеното нормативно решение се овозможува на странецот на граничен премин или во внатрешноста на територијата на Република Македонија пред полициски службеник на Министерството за внатрешни работи да искаже намера дека ќе поднесе барање за признавање на право на азил и да биде упатен во рок од 72 часа да поднесе барање за признавање право на азил пред овластено службено лице на Одделението за азил во просториите на Прифатниот центар за баратели на азил.

Целта на законодавецот преку креирање на предметното решение е да го олесни пристапот на потенцијалните баратели на азил до постапката за остварување на право на азил, како и има за цел да се превенира нелегалната миграција. Исто така во Предлог законот се утврдени и модалитетите, односно местата до кои барателот на право на азил може да поднесе барање за признавање на право на азил.

Целта на предлог законот е да се олесни пристапот на потенцијалните баратели на азил до органот кој ја води постапката за остварување на право на азил, како и има за цел да се превенира нелегалната миграција. Исто така во Предлог законот ќе бидат утврдени и модалитетите, односно местата до кои барателот на право на азил може формално да поднесе барање за признавање на право на азил.