Седницата на Советот на јавни обвинители презакажана за утре

Седницата на Советот за јавни обвинители на која требаше да се разгледува дописот за останатите седум обвинители предложени од Катица Јанева, е одложена за утре во 10 часот.

Советот во свои раце веќе го има дописот од Јанева во кој се бара доизгласување на останатите предложени од нејзиниот тим.

Освен дописот, во Советот е и писмото со потписи од лидерите на четирите најголеми политички партии.

Претседателот на овој орган, Петар Аневски, неколку пати потенцираше дека според мислењето на Советот на јавни обвинители, досега одобрените кандидати се доволни за специјалното јавно обвинителство да може да работи.

Ленче Ристоска, Артан Ајро, Трајче Пеливанов, Дарко Јакимовски, Снежана Бундалевска, Гаврил Бубевски и Лиле Стефановска се уште чекаат одобрение од Советот за влез во специјалното обвинителство, додека Бурим Ристеми од Куманово, Елизабета Јосифовска од Гостивар, Лејла Кадриу од Тетово, Љубомир Лапе од Крива Паланка, Марија Ѓорѓева од Скопје, Стефчо Донев од Кочани и Фатиме Фетаи од Обвинителството од Скопје се оние кои досега добија одобрение.

Извор: НОВА