Правдико

   

Шокантни сведочења на судењето за Ел Чапо: Имаше соба за убиства

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Судењето на Жоакин Гузман Лоер, познат како Ел Чапо, во САД, кое почна на 13 ноември минатата година, веќе се претвори во епска наркодрама, пренесува Си-ен-ен.

Последното и досега најбрутално сведочење открило дека Ел Чапо лично измачувал и убил свои соперници, изјавил неговиот телохранител на судењето во Њујорк.

Исајас Валдез Риос опишал како Ел Чапо брутално тепал најмалку тројца мажи пред да ги убие. Во еден од инцидентите, Ел Чапо повеќе од 3 часа тепал двајца мажи што се придружиле на ривалски картел.

Телата на двајцата мажи подоцна биле запалени, а третиот, кого Ел Чапо го убил, бил член на картелот Арелано Феликс. Тој бил застрелан, ама не бил мртов. Ел Чапо, според наводите, жив го фрлил во дупка и го закопал.

Екстелохранителот на Ел Чапо рекол дека и тој самиот се спасил од ликвидација зашто во еден момент Ел Чапо се посомневал дека му украл пари. Валдез Риос моментно се наоѓа во еден од американските затвори и му се заканува долгогодишна затворска казна, но се надева дека судот ќе му ја намали во замена за соработка со обвинителите.

Извор: Макфакс

Партнери на Правдико