Шпилфелд: Започна со примена новиот систем на граници

Австриските власти започнаа со имплементација на новиот систем за управување на граничниот премин со Словенија, Шпилфелд, и не се пуштаат повеќе бегалци во земјата, кои немаат намера да поднесат барање за азил во Австрија и во Германија.

На бегалците им се земаат отпечатоци, се регистрираат и преведувачи ги потврдуваат податоците за нивното потекло.

Австриската војска со 200 војници е присутни на преминот и ѝ помага на полицијата во спроведувањето на потребните мерки.

Новото управување на граничниот премин е дел од мерките донесени од владата со цел да се намали бројот на бегалци.

Бегалците на преминот подлежат на детални контроли и проверки, и ако се утврди дека дале лажни податоци или постојат и други причини за одбивање на влез, веднаш ги враќаат.

Од 1 јануари оваа година во Австрија влегле околу 42.000 луѓе, најмногу преку Словенија со автобус или со воз низ тунелот Караванкен, а сега  бранот на бегалци треба да бидат пренесен во целост на Шпилфелд,

Во четвртокот на преминот  Шпилфелд во Австрија влегле 500 бегалци, во средата 497, а преку другите премини околу 1.100.