Швајцарија ќе ги објави имињата на Македонците кои затајувале данок преку швајцарски банки?

Швајцарската Влада почна да ги објавува имињата на германски и на други странски државјани за кои постои сомнеж дека затајувале данок преку сметките отворени во швајцарските банки.

Мерката на швајцарската Влада доаѓа по барање на Европската унија. Дополнително пред четири дена Европскиот парламент донесе директива за објавување на вистинските сопственици на фирмите со сметки во швајцарските банки.

Засега не е познато дали на листата има и македонски државјани, но дел од познавичите во оваа област велат дека очекуваат дека на списокот има и лица од Македонија, кои според експертите закононски треба да одговараат и во матичната земја и во Швајцарија.

Истражувањето на Меѓународниот конзорциуим за истражувачко новинарство, ги потврди шпекулациите присутни со години, дека и Македонци чуваат големи пари (барем за наши услови) во швајцарски банки.

Истражувањето покажа дека во швајцарскиот огранок на британската банка ХСБЦ, која им помагала на богатите клиенти да избегнуваат плаќање даноци и да скријат милиони долари има и 9 клиенти од Македонија, кои на 15 сметки имале 164 милиони долари (11% имаат македонски пасош или се со македонска националност).

Извор: еМагазин