Швајцарците одбија минимална плата од 18 евра на час

Околу пет милиони Швајцарци беа повикани на новиот референдум да се изјаснат за редица политички и општествени одлуки.

Според првичните прогнози граѓаните се изјасниле против барањето на сидникатите за законска минимална плата во висина од пресметано 18 евра на час – 3.500 швајцарски франци неделно. Стопанството уште претходно се изјасни против и предупреди од губење на работни места.

Како што пренесе швајцарската телевизија, според прогнозите е прифатена пак иницијативата, според која на педофилите осудени во Швајцарија доживотно треба да им биде забрането, како професионална, така и доброволна активност со малолетни лица.

Мнозинство, според првичните прогнози има и за предлогот во уставот да се вкотви основната здравствена заштита вкучилтено и високо-квалификувани матични лекари.

Меѓу другото Швајцарците денеска гласаа и за купување на нови борбени авиони за воздухопловните единици. 22 авиони од типот Грипен на шведскиот производител Сааб по цена од пресметано 2,6 милијарди евра треба да ги заменат старите авиони. Противниците аргументираат дека една неутрална земја како Швајцарија нема потреба од високо вооружена авијација. Парите би требало да се дадат за образование. Истражувачите на јавното мислење очекуваат тесен резултат. Засега нема првични прогнози, како Швајцарците се изјасниле по ова прашање.

Извор: DW