Син со нож до смрт го избоде татка си во Штип | Правдико

Правдико

   

Син со нож до смрт го избоде татка си во Штип

© Copyright 2022 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Дваесет и деветгодишен штипјанец го убил својот татко вчера изутрина во семејниот дом. Според првичните сознанија на полицијата, во тоа му помогнал неговиот 24-годишен пријател. Двајцата се приведени во штипската полиција, каде што е во тек истрагата за смртта на 62-годишниот Трајчо Б., кој беше пронајден мртов во неговиот дом на улицата „Сутјеска“. Засега не се познати мотивите за убиството.

Според штипската полиција, сè почнало вчера во утринските часови кога почнала расправија меѓу синот, кој е во инвалидска количка, и таткото. Во еден момент синот почнал да го удира со тупаници и тапи предмети, а потоа со нож му нанел смртоносни повреди во пределот на главата.

Синот Г.Б и неговиот пријател, на возраст од 24 години, се осомничени за кривично дело убиство и се изведени пред судија на претходна постапка во Основниот суд во Штип.

Убиениот бил пронајден со видливи повреди на главата. Мртвото тело го пронашол неговиот син, а случајот во полиција го пријавила сосетката. По налог на дежурен јавен обвинител на информативен разговор во штипската полиција веднаш биле  повикани три лица на возраст од 24 до 32-годишна возраст. Меѓу нив и неговиот син.

Извор: Макфакс

Партнери на Правдико