Сириски мигрант уапсен во Стразбур откако се обидел да удави жена во река | Правдико

Правдико

   

Сириски мигрант уапсен во Стразбур откако се обидел да удави жена во река

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Полицијата во Стразбур уапси 33-годишен мигрант откако нападнал жена и се обидел да ја удави во реката Ил, објавија локалните медиуми. Триесет и петгодишната жртва се враќала дома по една од велоосипедските патеки во францускиот град во петокот вечерта кога мигрантот скриен во грмушките во близина на Музејот на модерна и современа уметност ја нападнал со нож.

Мигрантот ги игнорирал молбите на жртвата и го држел ножот под нејзиното око. Потоа следувала борба, при што напаѓачот ја турнал жената во реката Ил и ѝ ја држел главата под вода во очигледен обид да ја удави.

По неговото апсење набрзо по инцидентот, полицијата не можела да го потврди идентитетот на напаѓачот, кој се идентификувал како мигрант од Сирија. И покрај бројните докази, вклучувајќи го и неговото поседување нож и носење влажна облека кога бил уапсен, мигрантот негирал дека е извршил какво било злосторство против жената.

Инцидентот е последен во низата напади извршени од мигранти врз сами жени во Стразбур кои беа пријавени во последниве недели, вклучувајќи го сексуалниот напад на градската железничка станица на крајот на април во кој 20-годишен албански азилант беше поштеден од затвор откако ветил дека никогаш нема да го повтори однесувањето.

Во друг напад во средината на април, млада жена била сексуално нападната и давена до онесвестување во еден мал парк од  25-годишен азилант од Судан.

Извор: Макфакс

Препорачуваме

Партнери на Правдико