СЈО контра невладините: „Тотал“ и „Труст“ застаруваат дури за 40 години | Правдико

Правдико

   

СЈО контра невладините: „Тотал“ и „Труст“ застаруваат дури за 40 години

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Специјалното јавно обвинителство, по вчерашниот брифинг, на неколку граѓански организации, кои тврдеа дека предметите „Тотал“ и „Труст“ може делумно да застарат со измените на Кривичниот законик од 2018 година, за „Макфакс“ појасни дека ваквите тврдења се неосновани.

Од таму за „Макфакс“ велат дека случајот „Тотал“, во кој е обвинет новинарот Драган Павловиќ – Латас, воопшто не може да се преквалификува под новото кривично дело даночна измама бидејќи битието на делото за кое е обвинет Латас во обвинението на СЈО е даночно затајување. Oд ова обвинителство велат дека описот на двете кривични дела е различен и е нелогично за исти дејства да има два члена во Кривичниот законик. Станува збор за различни дејства, од кои првото се однесува на мамење на државата во плаќањето даноци (таков пример е повратот на ДДВ), а во вториот случај за затајување данок.

Повикувајќи се на постојниот Кривичен законик, особено членот 107, релативната застареност за „Тотал“ е 20 години, а апсолутната е 40 години, велат од ова обвинителство за „Макфакс“. Во случајот со обвинението на Латас станува збор за продолжено кривично дело, кое е извршувано од 2008 до 2015 година. Идентично со ова, предметот „Труст“, во кое има неправосилна пресуда, исто така релативно застарува за 20 години, поточно во 2031 година, а апсолутно за 40 од кривично гонење, т.е. во 2051 година.

Извор: Макфакс

Препорачуваме

Партнери на Правдико