СЈО побара изземање на претседателот на Врховниот суд

Специјалното јавно обвинителство во четвртокот поднесе барање за изземање на претседателот на Врховниот суд, Јово Вангеловски, при одлучувањето за притворот за бизнисменот Сеад Кочан.

Барањето СЈО го поднесе, бидејќи Вангеловски е опфатен во јавно објавените телефонски разговори и тоа во период, кога ја извршувал функцијата претседател на Врховниот суд.

„Во согласност со препораките на Европскиот суд за човекови права, непристрасноста на судот е една од основните гаранции на правото на правично судење, така што секое сомнение за пристраснот треба да биде отстрането“, се вели во соопштението на СЈО.

Извор: Макфакс