Словенија и Австрија ги затвораат границите

Врз основа на шенгенскиот договор, Словенија и Австрија ја информирале Србија дека ќе ги затворат своите граници за прием на бегалци, јави доцна синоќа српската државна телевизија РТС.

Според истиот извор, слична можност разгледуваат и властите на Хрватска.

РТС наведува дека вечерва ќе се одржи седница на Бирото за координација на српските служби за безбедност, на која ќе се расправа за ставот на Србија во врска со ова прашање.

На средбата ќе присуствува и српскиот премиер Александар Вучиќ, кој денеска заедно со високиот комесар за бегалци на ОН, Антонио Гутереш ќе ги посетат Привремениот центар за прифаќање на имигранти во јужниот српски град Прешево, во близина на границата со Македонија.

Извор: 24Вести