Правдико

   

Со дрска измама одземени пари од двaјца скопски пензионери

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Двајца пензионери од Скопје, на 30 април, на две локации, биле дрско измамени, при што од страна на измамниците им биле одземени парите што претходно ги подигнале од банка.

Во првиот случај, 76-годишна скопјанка пријавила измама што се случила на булеварот Јане Сандански. Додека таа седела на клупа во паркот, ѝ пришло момче кое ѝ рекло дека парите што претходно ги подигнала од банка не се во ред и дека треба да се вратат за да ги заменат. Потоа младиот измамник, водејќи ја под рака старицата, ѝ помогнал да ја премине улицата по што побарал да му ги даде парите за да изврши нивна замена во банката и потоа да ѝ ги врти. Жената му дала 9.000 денари и се договориле да го почека кај тениското игралиште во близина, но тој не се вратил.

Уште еден ваков случај истиот ден бил регистриран во Карпош, во близина на поликлиниката „Букурешт“. Измамата била ивршена врз 78-годишен скопјанец, кој во полиција изјавил дека лицето што му пришло било на возраст од 40 години. Имено, измамникот му пришол на старецот додека тој чекал на автобуска станица и му рекол дека настанала некоја грешка во банката каде што претходно ги подигнал парите од пензијата. Потоа тој го повикал пензионерот да појде со него за да ја исправат грешката. Двајцата заедно тргнале кон банката, по што лицето му рекло да му ги даде парите, а кога старецот му дал 8.000 денари, измамникот почнал да разговара на телефон и му рекол да оди во банка за да земе други пари, а тој го напуштил местото. Кога И.М. стигнал во банката, на вработените им кажал за настанот и од нивна страна му било кажано дека бил измамен по што го упатиле случајот да го пријави во полиција.

Полицијата презема мерки за расчистување на овие две измами.

Извор: Макфакс

Партнери на Правдико